Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Rreth vetive të baltës shëruese ose “arit të zi” të Pomorie

Foto: Rawpixel

Balta limane e nxjerrë nga liqeni Pomorie ka një histori mijëravjeçare. Të dhënat e para për fenomenin natyror dhe vetitë e tij shëruese datojnë në vitin 547 para Krishtit. Trakët e quajtën atë “Liqeni i Shenjtë i Tri Nimfave”. Në ditët e sotme, qendra e trajtimit me baltë pranë Spitalit të Specializuar Rehabilitues në qytetin e afërt Pomorie tërheq mbi 10 mijë pacientë në vit. Ata mbërrijnë pikërisht për shkak të baltës kuruese, e cila trajton pleksitin, diskopatinë, radikulitin, artrozën dhe çrregullime të tjera të sistemit muskuloskeletor. Por balta në Pomorie është më e njohur për efektin e saj në sistemin riprodhues. “Mund të them se kemi më shumë foshnje se të gjitha qendrat in vitro së bashku në Bullgari”, shpjegon Dr. Georgi Prodromov, i cili punon në sanatorium për 40 vjet, në një intervistë me Daniela Kostadinova nga BNR-Burgas.

Balta shëruese merret nga një algë që bie në fund të liqenit në fund të korrikut dhe në fillim të gushtit. Dhe në kombinim me zooplanktonin dhe fitoplanktonin, në anaerobe, d.m.th. mënyra anoksike e kalbjes, liqeni prodhon vetëm 1 milimetër shtresë balte terapeutike në vit. “Përveç kësaj, balta përmban të gjitha hormonet e vezës femërore si dhe testosteronin mashkullor”, thotë Dr. Prodromov, duke shtuar:


“Mënyrat e përdorimit të baltës janë si më poshtë: së pari, kemi një aplikacion, d.m.th. i gjithë trupi mbështillet me baltë në temperaturë 37-38 gradë. Kemi edhe vaska me baltë – është ujë liqeni plus baltë. Për të rejat me probleme riprodhuese, përveç baltës që është në trup, vendosim në vagine baltë me të gjithë përbërësit aktivë dhe anti-inflamatorë. Kështu sulmohen inflamacionet dhe mosfunksionimet e vezores. Kemi edhe banja me kripë – i përdorim për procedura më të buta.”

Balta në Pomorie nuk rekomandohet në asnjë rast për pacientët me kancer dhe pacientë me vena me variçe, tension të lartë ose probleme me zemrën.

Dhe çfarë mund t’u themi njerëzve që lyhen me baltën shëruese në bregun e liqenit të Pomorie dhe a mund të presin të njëjtin efekt shërues si në sanatorium?

“Kur ekspozohet në dritë, balta oksidohet dhe bëhet gri pas 2 orësh, d.m.th. nuk është më i zi, që do të thotë se humbet vetitë. Duhet të ruhet në një temperaturë të caktuar, pa rrezet direkte të diellit, përndryshe hormonet në të zhduken. Gjysmë ore pas lyerjes së pjesëve përkatëse të trupit, balta fillon të thahet dhe duhet të lahet menjëherë” – rekomandon doktor Prodromov.

Trajtimi me baltë mund të përdoret gjithashtu si masë parandaluese për të pezulluar proceset e degjenerimit të sëmundjeve të kyçeve, mësojmë nga drejtoresha e sanatoriumit në Pomorie, Dr. Margarita Mihajllova:

“Kemi shumë pacientë që erdhën në kohë të këshilluar nga specialistë, dhe kështu shtynë dhe madje anuluan zëvendësimin e kyçeve apo operacionin e hernies së diskut. Këto operacione çojnë në komplikime dhe janë shumë më të shtrenjta se një trajtim profilaktik.”

Spitali i Specializuar për Rehabilitimin në Pomorie insiston prej kohësh në miratimin e një ligji për ruajtjen e depozitave të baltës shëruese në Bullgari. Ky ligj është shumë i domosdoshëm dhe urgjent, sepse për shkak të një sërë ndryshimesh dhe ndërhyrjeve njerëzore, kripësia e liqenit të Pomorie zvogëlohet çdo vit dhe me këtë shkatërrohet pasuria më e madhe e tij - balta shëruese.

Lexoni më shumë:

Teksti: Veneta Nikollova (sipas një interviste e Daniella Kostadinova nga BNR-Burgas)

Përgatiti në shqip: Svetllana Dimitrova

Foto: Rawpixel, BGNES



Последвайте ни и в Google News Showcase, за да научите най-важното от деня!

Më shumë nga rubrika

Për tre ditë Sofja do të jetë kryeqyteti i verërave në Ballkan

Nga data 27 deri më 29 qershor, Sofja do të jetë kryeqyteti ballkanik i verërave. Edicioni i 13-të i Festivalit Ballkanik të Verës do të mirëpresë mysafirët në qytezën speciale të verërave përballë Pallatit Kombëtar të Kulturës (NDK). Vizitorët do..

botuar më 24-06-26 4.54.MD

Mbi gryka, fusha dhe lumenj - ku janë platformat më të bukura panoramike në Bullgari?

A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..

botuar më 24-06-23 8.15.PD

Një festë e livandës na zhyt në bukurinë qetësuese të fshatit Sredno Gradishte

Edicioni i dhjetë i Festivalit Kombëtar të Lavandës zhvillohet më 14 dhe 15 qershor në fshatin Çirpan të Sredno Gradishtes. Janë disa nga plantacionet më të vjetra të livandës në vend, të cilat kanë ekzistuar për më shumë se 80 vjet. Koncepti i festës..

botuar më 24-06-15 11.30.PD