Në fshatin Kamen Brjag u hap një observator astronomik i automatizuar me kube. Teleskopi ka një fushëveprimi 360° dhe një aparat fotografik digjital për kapjen e objekteve qiellore. Observatori u ndërtua në kuadër të projektit “Dritarja e përbashkët e hapur drejt mistereve të universit”, tha drejtori i Muzeut Historik në Kavarna, Penko Georgiev.

Kamen Brjag ndodhet pranë rezervatit “Jajllata”, i cili në kohët e lashta ishte një observator astronomik dhe këtë e dëshmon faltorja e ndërtuar aty, e cila është e orientuar sipas renditjes së yjeve, shpjegoi Georgiev. “Ideja ishte të ruanim vazhdimësinë dhe të ofronim një lloj produkti turistik të veçantë. Për të pasur mundësinë të vëzhgoni qiellin e natës, duhet të qëndroni të paktën disa mbrëmje në fshat, të jeni plotësisht të qetë dhe të relaksuar dhe sigurisht të prisni kushte të mira atmosferike”, shtoi drejtori.