Kalaja mesjetare Krakra pranë qytetit Pernik do të jetë skena e edicionit të parë të “Krakra Jazz” me pjesëmarrjen e muzikantëve nga e gjithë bota. Festivali do të mbahet më 11 dhe 12 gusht dhe hyrja do të jetë falas. Në sfondin e fortifikatës historike do të shfaqen këngëtarja e nominuar për çmimin “Grammy” Tana Alexa, grupi australian “Brekky Boy”, si dhe ylli danez Ida Nielsen, e cila nga viti 2010 deri në vitin 2016 ishte pjesë e grupit të yllit të muzikës botëror Prince.

Nga skena e kalasë Krakra do të tingëllojnë veprat e preferuara të xhazit në interpretim tëgrupit “Euro Cubans”. Publiku do të ketë mundësi të dëgjojë edhe formacionin ndërkombëtar të xhazit me pjesëmarrjen e muzikantëve serbë Alma Miçiç dhe Rale Miçiç, bullgarit Petër Sllavov dhe bateristit amerikan Gregory Hutchinson, do të performojë gjithashtu edhe grupi polak “Tantfreaky”.

Përpilues: Veneta Nikollova

Përgatiti në shqip: Svetllana Dimitrova