Orlin Pavllov është në prag të turneut të tij veror. Koncerti i parë është më 22 korrik në Teatrin Veror Bunarxhika në Plovdiv. Pas kësaj këngëtari ka ndërmend të japë disa koncerte në qytete të ndryshme të bregdetit bullgar të Detit të Zi.

• Orlin Pavllov në një fluturim “Me një krahë”

Gjatë koncertit dy orësh, fansat e Orlin Pavllovit do të kenë mundësinë të shohin drejtpërdrejt një spektakël audio-vizual, i cili përfshin këngët emblematike nga albumi i parë solo i këngëtarit “Pak më shumë”, si dhe këngë të tjera të njohura dhe të pëlqyera nga publiku. Interesante është që kënga që i dha emrin albumit “Pak më shumë”, u përfshi edhe në filmin bullgar me seri “Të dashur trashëgimtarë”.

• “Parajsa e egër” – më e reja nga këngëtari në zë Orlin Pavllov

Në këtë rrugëtim emocionues muzikor-artistik do të ndërthuren zhanre të ndryshme: pop, xhaz, suing dhe funk. Së bashku me Orlinin në skenë do të jenë disa nga muzikantët më të shquar bullgarë.

Përgatiti në shqip: Svetllana Dimitrova