Për herë të parë në Bullgari kardiokirurgët nga spitali “Prof. Dr. Aleksandër Çirkov" implantuan një zemër artificiale të gjeneratës së re “Heart mate III”. Pajisja u implantua në një pacient 37-vjeçar me probleme serioze të zemrës për shkak të kardiomiopatisë së zgjeruar. Kur u shtrua në spital, funksioni pompues i zemrës ishte dobësuar në mënyrë dramatike, duke arritur në 10-15%. Gjendja e tij kërkon ose një transplantim, ose një lloj tjetër pajisjeje për të mbështetur zemrën derisa të gjendet një donator i përshtatshëm. Operacionin e ka kryer ekipi i prof. Dimitër Petkov. Pacienti është në gjendje të mirë të përgjithshme dhe është vendosur në listën e pritjes për transplantim të zemrës.