“Vendimi më i rëndësishëm në lidhje me Ukrainën ishte se u krijua i ashtuquajturi Këshilli Ukrainë-NATO, i cili e vendos presidentin e Ukrainës në tryezë së bashku me të gjitha vendet dhe liderët e tjerë. Që tani e tutje, kur diskutohen çështjet politike, çështjet që lidhen me Ukrainën, kreu i shtetit është në pozitë të barabartë me të tjerët, duke përfshirë se ai mund të thërrasë Këshillin e NATO-së, nëse është e nevojshme.” Kështu në një konferencë shtypi kryeministri Nikollaj Denkov përgjithësoi se çfarë u arrit në Samitin e NATO-së në Vilnius.

Në diskutimin e tij në Samit, ministri i mbrojtjes Todor Tagarev theksoi rëndësinë e planeve të reja rajonale të Aleancës si forca kryesore lëvizëse për përmirësimin e mëtejshëm të gatishmërisë parandaluese dhe mbrojtëse të aleatëve dhe konfirmoi përkushtimin e Bullgarisë në këtë proces.

Duke pasur parasysh ndryshimin e mjedisit të sigurisë në rajonin e Detit të Zi dhe me qëllim të rritjes së potencialit mbrojtës dhe parandalues ​​të Aleancës, ministrat e mbrojtjes të Bullgarisë dhe Rumanisë nënshkruan një Letër Synimi për krijimin e Komandës së Komponentit Rajonal të Forcave Speciale.