Ndërtimi i njësisë së 7-të dhe të 8-të të Centralit Atomik Elektrik “Kozlloduj” është pjesë e planeve të kabinetit, njoftoi kryeministri Nikollaj Denkov gjatë transmetimit të drejtpërdrejtë në Facebook nga Këshilli i Ministrave, ku iu përgjigj pyetjeve të qytetarëve dhe gazetarëve.
Sipas tij, projekti i Centralit Atomik Elektrik “Belene” nuk ka bazë dhe nuk ka nevojë të kërkohen katër njësi të reja. Në fillim të vitit, ministri në detyrë i energjetikës Rosen Hristov deklaroi se ne duhet të ndërtojmë katër reaktorë bërthamorë - dy në “Kozlloduj” dhe dy në sheshin e centralit “Belene”. “Nuk ka nevoja të tilla në regjione, duhet të stabilizojmë sistemin tonë me kapacitetet e nevojshme bazë dhe të zhvillojmë të gjitha teknologjitë”, theksoi kryeministri.
Nikollaj Denkov tha gjithashtu se vendi ynë e siguroi gazin deri në fund të vitit dhe se po zhvillohen negociata me Azerbajxhanin për rritjen e vëllimit të dërgesave. Vazhdojnë punimet e tubacionit Burgas-Aleksandrupolis, shtoi ai.
Agjencia ndërkombëtare e vlerësimit Standard&Poor's (S&P Global Ratings) konfirmoi vlerësimin afatgjatë dhe afatshkurtër të kreditit të Bullgarisë në monedhë të huaj dhe vendase 'BBB/A-2'. Perspektiva për vlerësimin mbetet pozitive...
Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat..
Bordi Drejtues i Bankës Kombëtare Bullgare (BNB) urdhëroi bankat në vend që të aplikojnë një grup minimal prej 6 treguesish për monitorimin e standardeve të kredisë gjatë dhënies dhe rinegocimit të kredive siguruar me pasuri të paluajtshme banesore...