Sektori iMaria Gabriel, e cila hoqi dorë nga posti i Komisioneres Evropiane për Inovacionet, Kërkimet Shkencore, Kulturën dhe Arsimin për t’iu bashkuar qeverisë bullgare, tashmë është rishpërndarë midis komisionerëve të tjerë evropian. Prandaj, Bullgaria ka mundësinë të bie dakord për një sektor tjetër për vete, për shembull, të ndajë me Estoninë sektorin “Energjetikë”. Një mendim të tillë për BNR-në e shprehu eurodeputetja Cvetelina Penkova nga grupi i Aleancës Progresive të Socialistëve dhe Demokratëve në Parlamentin Evropian.

Ajo kujtoi se Bullgaria ka marrë dy angazhime në kuadër të “Marrëveshjes së Gjelbër” - të reduktojë pothuajse plotësisht varësinë nga qymyri deri në vitin 2038, domethënë të mbyllë një pjesë të madhe të termocentraleve dhe të reduktojë emetimet me 40% deri në fund të vitit 2024, gjë që është e vështirë për t’u arritur për shkak të situatës me mungesën e burimeve kryesore dhe lëndëve të para. Për angazhimin e dytë, Penkova tha se Bullgaria mund të rinegociojë për zgjatjen e afatit ose uljen e përqindjes.