Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festa e suxhukut të Gorna Orjahovicës mbledh adhuruesit e kësaj delikatese të vendit

Foto: arkiv

Një festë tre-ditore e suxhukut të Gorna Orjahovicës me mundësinë për të shijuar këtë delikatesë dhe një shumëllojshmëri gatimesh të tjera, mbledh në Gorna Orjahovica mysafirë si nga vënde të afërta ashtu edhe nga të largëta. Qyteti mirëpret festën për herë të 16-të, dhe si zakonisht, suxhuku i vendit do të jetë i disponueshëm si produkt i tharë ose i sapo pjekur në skarë. Specialiteti vendas prodhohet nga mish viçi cilësor, me një buqetë erëzash karakteristike, pa konservues të shtuar. Produkti thahet për jo më pak se 15 ditë, specifikojnë prodhuesit. Suxhuku i Gorna Orjahovicës (Gornooryahovski sudzhuk) është përfshirë në Regjistrin Evropian të Emërtimeve të Mbrojtura të Origjinës dhe Treguesve të Mbrojtur Gjeografikë në vitin 2011. Ky është emërtimi i parë i mbrojtur bullgar, sipas politikës evropiane të cilësisë. Në vendin tonë janë tre kompani të përpunimit të mishit, të cilat kanë të drejtën e prodhimit dhe eksportit të tij në më shumë se 20 vende të Bashkimit Europian, ku gëzon interes të madh.

Festa në Gorna Orjahovica fillon të premten, më 9 qershor, me "Mbrëmjen ballkanike"dhe DJ Jerycon. Në skenën e hapur pranë Teatrit Veror do të performojnë edhe ansamble nga biblioteka "Vëllezërit Grënçarovi-2002". Hapja zyrtare e festivalit është të shtunën më 10 qershor, me grupe vendase, shumë lojëra dhe pyetësorë, ndërsa programi muzikor do të vazhdojë gjatë gjithë ditës. Edhe këtë vit ka një kënd të veçantë për mjeshtërit e artizanatit të ardhur nga bashkitë fqinje. Një studio kuzhine do të prezantojë pjata tipike nga rajoni i Gorna Orjahovicës – byreku rreckaman nga fshati Vërbica, ëmbëlsira me barishte aromatike, si dhe fasule të vjetra në stilin e Gorna Orjahovicës. Festa është një rast i mirë për takime familjare dhe shoqerore, për t’u rikthyer në origjinë dhe për t’u shkëputur nga problemet e përditshme, theksojnë organizatorët.

Përgatiti në shqip: Kostandina Bello




Последвайте ни и в Google News Showcase, за да научите най-важното от деня!

Më shumë nga rubrika

Ditën e Enjos, barishtet dhe uji fitojnë fuqi magjike

Herët në mëngjes djemtë dhe vajzat mblidhen nëpër livadhe që të luajnë me diellin. “Besohet se atëherë dielli luan sepse është solstici më i gjatë i vitit” – kjo është gjëja më e rëndësishme që duhet ditur për Ditën e Enjos, sipas tetëvjeçarit Ivo..

botuar më 24-06-24 6.30.PD

Festivali "Babina Dushica" në Montana mbledh kuzhinierë nga e gjithë Bullgaria

Më 22 qershor mbi 30 kuzhinierë nga i gjithë vendi mblidhen në Montana për festivalin e kuzhinës popullore "Babina Dushica". Festivali i kuzhinës është pjesë e programit për kremtimin e festës së Montanës "Shpirti i Shenjtë" në Kopshtin e..

botuar më 24-06-22 10.15.PD
D-r Mustafa Haxhi

Mirëdashja është në qendër të festës së Kurban Bajramit

Myslimanët në Bullgari festojnë Kurban Bajramin. "Kurbani është një fjalë arabe që do të thotë “afrim”. Përmes kurbanit, myslimanët bëjnë gjithçka që është e mundur për t'iu afruar mëshirës së Allahut", tha kryemyftiu në Bullgari, Dr. Mustafa Haxhi, në..

botuar më 24-06-16 5.50.PD