“Dhe pas ëndrrës” është kënga e parë e Diços për vitin 2023. Është gjithçka që presim nga këngëtari me një zë prej kadifeje: një melodi magjepsëse, tekst i fortë, një video me ndikim dhe një interpretim mjeshtëror.
Diço e kompozoi muzikën, ndërsa për tekstin dhe aranzhimin e ndihmuan Zhana Zhivkova dhe Ivan Jordanov - Çeri.
“Kjo nuk është në fakt një këngë, të cilën e krijova lehtë. Përkundrazi! - thotë Diço. – “Dhe pas ëndrrës” kërkonte shumë kohë dhe vëmendje, sepse i kushtohet diçkaje jashtëzakonisht të rëndësishme. Këndohet për atë nevojë sensuale për t’ia dëshmuar gruas së dashur - në çdo moment, në çdo minutë - se e duash atë, se ajo është e duhura, se është e vetmja...”
Mesazhi i këngës “Dhe pas ëndrrës” i bën përshtypje një prej çifteve më të bukur të kërcimit në Bullgari - kampionëve të shtetit në vallëzime latine Vasill Pavllov dhe Tanja Balltova, të cilët u përfshin si personazhe kryesore në video. Nën regjinë e Radostin Sëbev - Shosho, në një ritëm elegant, vallëzuesit tregojnë historinë e një dashurie të stuhishme. Muzika, teksti dhe vizioni tregojnë se si nëse ndjenjat janë mjaft të forta dhe reale, ato do të ndërtohen përsëri nga copat e thyera të dashurisë.
Përgatiti në shqip: Svetllan Dimitrova
Një nga grupet më të njohura në vendin tonë me një nga vokalistet më interesante dhe magnetike – “Kerana dhe kozmonautët” - i shton një yjësi të re kozmosit të tij muzikor. Më 19 shtator, në Sofje, muzikantët do të prezantojnë me një koncert..
Më 17 shtator Kisha Ortodokse Bullgare kremton dëshmoret e shenjta Sofia, Vjara, Nadezhda dhe Ljubov . Në këtë ditë shënojmë edhe festën e kryeqytetit tonë Sofje – një qytet i lashtë me histori mijëvjeçare. Kryeqyteti i Bullgarisë - Sofja..
Sot vera hyn në dhomat e klasës, bashkë me buzëqeshjen e fëmijëve... Dita e parë e shkollës është gjithmonë një shkak emocioni - si për më të vegjlit që shkelin pragun e shkollës për herë të parë, ashtu edhe për të rriturit që me mall kujtojnë ato..