"Ne duam të dëgjojmë se çfarë po planifikon Maria Gabriel - nëse bëhet fjalë vetëm për ndryshimin e një personi apo për një reformë të plotë gjyqësore," u tha gazetarëve Nikollaj Denkov nga "Po e vazhdojmë ndryshimin - Bullgaria Demokratike" (PP-DB) përpara takimit të sotëm midis koalicionit të tij dhe GERB-SDS. E nominuara për kryeministre Gabriel njoftoi se hapi i parë i kabinetit të saj eventual do të ishte kërkesa për dorëheqjen e Prokurorit të Përgjithshëm Ivan Geshev.
Deputeti sqaroi se PP-DB nuk ka ndërmend ta mbështesë këtë kabinet, por qëllimi është të kuptojë se çfarë propozon pala tjetër. “Pse ka ndryshuar papritur qëndrimi ndaj Ivan Geshevit, pasi ai ishte mbrojtur me këmbëngulje kaq shumë vite”, pyeti Denkov, duke theksuar se PP-DB kërkon garanci për realizimin e qëllimeve të mira.
Ndërkohë, Presidenti Rumen Radev vuri në dukje para gazetarëve:
“Vështirë se më emocionon impulsi i papritur i zonjës (Maria) Gabriel (e nominuara për kryeministre) për të kërkuar largimin e (Prokurorit të Përgjithshëm) Ivan Geshev. Për momentin, qëndron një pyetje shumë e rëndësishme - nëse kërkesa e saj është rezultat i një ndriçimi të vonuar me 3 vjet, i një katarsisi të papritur apo i një interesi të caktuar të njerëzve pas Maria Gabrielit".
Një tjetër zgjedhje e parakohshme është tashmë pas nesh, por përtej pjesëmarrjes paksa të rritur të votuesve, krahasuar me votat e qershorit të këtij viti, është ende e vështirë të parashikohen konfigurimet politike që do t'i japin një shans formimit..
Partia MEÇ, sipas rezultateve paraprake të zgjedhjeve parlamentare, do të jetë lojtari i ri në parlament. Shkurtesa MEÇ vjen nga fjalët bullgare moral, edinstvo, çest (morali, uniteti, nderi). Partia u themelua në tetor 2023 nga avokati,..
“Fitorja e GERB-SDS është e sigurt. Dhe ne kemi marrë një angazhim për të formuar një qeveri”. Kështu u shpreh në një konferencë kreu i GERB-it, Bojko Borisov. Sipas tij, pas rritjes së aktivitetit të votuesve mund të flitet për përfaqësim në..
Mot i kthjellët
Pjesërisht me re