Mbrojtja ajrore e Ukrainës rrëzoi 15 nga 18 raketat ruse të gjuajtura kundër Kievit në orët e para të 1 majit, raporton REUTERS. Sipas autoriteteve lokale, pas sulmit nuk ka pasur viktima në kryeqytetin ukrainas.

Në rajonin e Dniepropetrovska, raketat ruse kanë rënë kundër Pavlogradit. Nga sulmet u plagosën 25 civilë, mes tyre 3 fëmijë. Janë dëmtuar 44 shtëpi civilësh, një fabrikë industriale dhe 3 kopshte. Ukrainasit njoftuan se kanë rrëzuar 7 raketa mbi qytet, deklaroi në “Telegram” Mikola Lukashuk, kreu i këshillit komunal lokal.

Raketat u lëshuan nga 9 bombardues strategjikë Tu-95 nga rajoni Murmansk dhe dy Tu-160 nga rajoni i Detit Kaspik.

Në vendet në Bahmut, mbrojtja ukrainase ka kryer kundërsulme të suksesshme kundër agresorëve rusë dhe ata kanë braktisur disa nga pozicionet e tyre, njoftoi komandanti i forcave tokësore të Ukrainës, gjenerali Aleksandër Sirski para UNIAN.