Në Maqedoninë e Veriut po krijohen shoqata të rreme bullgare për të qenë pjesë e grupit të punës për hartimin e ndryshimeve në Kushtetutën e vendit. Në këtë mënyrë, pushteti zyrtar do t’i sigurojë vetes njerëz besnikë në vendosjen e të drejtave të bullgarëve në ish-republikën jugosllave. Për këtë paralajmërojnë bullgarët nga Shkupi, të cilët nënshkruan një letër drejtuar qeverisë në Shkup me kërkesë që të përfshihen në grupin e punuës për ndryshimin e ligjit bazë, me argumentin se kjo ka të bëjë kryesisht me njohjen e minoritetit bullgar si pjesë e shtetit multietnik.

Shkupi shfrytëzon historinë për të shkelur të drejtat e bullgarëve maqedonas

“Diçka nuk shkon me demokracinë tonë. Kjo më së miri shihet tek ne, bullgarët maqedonas. Kur bëhej fjalë për përfshirjen e bullgarëve maqedonas në Kushtetutën e Maqedonisë së Veriut, menjëherë u shfaqën kundërshtarët e vjetër të gjithçkaje bullgare në Maqedoni”, komentoi Argir Stumbov nga Shkupi për BNR.