Komisioni Evropian e referon Bullgarinë në Gjykatën e Drejtësisë së BE-së në tri procedura - për automjete të pastra, sistemin e taksave tol dhe tregtimin e ujit mineral dhe të burimit. Procedura e parë është për arsye se vendi ynë akoma nuk parashikon në legjislacion objektiva minimale kombëtare në prokurimet publike për blerjen e automjeteve ekologjike transportuese; e dyta - se nuk ka transpozuar në legjislacionin e saj sistemin evropian të faturimit elektronik, ku udhëtarët mund të paguajnë taksat tol përmes një kontrate të vetme abonimi, nëpërmjet një furnizuesi të vetëm dhe brenda një strukture të vetme që do të mbulonte të gjitha vendet anëtare të komunitetit.  Procedura e treta është për faktin se legjislacioni bullgar nuk ndalon tregtimin e ujit të marrë nga i njëjti burim nën më shumë se një përshkrim tregtar, siç kërkohet nga direktiva evropiane. Informacioni është i korrespondentes së BNR në Bruksel, Angelina Piskova.