Delegacioni bullgar, i cili do të sjellë Zjarrin e Hirit nga Varri i Shenjtë, mbërriti në Jerusalem, njoftoi Mitropolia e qytetit Stara Zagora. “Është i madh ekzaltimi i çdo të krishteri ortodoks që do të vizitojë Tokën e Shenjtë dhe do të jetë i pranishëm në këtë mrekulli të madhe - zbritjen e Zjarrit të Hirit, që të na pushtojë të gjithëve me gëzimin e Pashkëve, se Krishti u ringjall nga të vdekurit dhe vdekja nuk ka fuqi mbi të”, tha para nisjes kreu i delegacionit, Mitropoliti Kiprian.

Delegacioni i klerit bullgar dhe ambasadorja jonë në Izrael, Rumjana Bëçvarova, do të ndjekin shërbesën në kishën “Ngjallja e Krishtit” në Jerusalem, ku të Shtunën e Madhe Zjarri i Shenjtë zbret nga qielli mbi varrin e Jezu Krishtit.

Tradicionalisht, pasi zjarri do të mbërrijë në Bullgari, klerikët nga dioqezat anembanë vendit do të marrin një pjesë prej tij për ta çuar në shërbimin e mbrëmjes në kishat për Ngjalljen e Krishtit.