Lufta në Ukrainë do të vazhdojë edhe në vitin 2024, Rusia nuk do të jetë në gjendje të pushtojë Donbasin. Operacionet e vijës së parë në vitin 2023 do të përfundojnë me përfitime të vogla territoriale për të dyja palët për shkak të “trupave dhe municioneve të pamjaftueshme operative”, sipas një analize të Pentagonit nga 23 shkurti, që rrodhi në internet.

Dokumentet amerikane tregojnë gjithashtu shqetësim në Uashington për sulmet e Ukrainës në territorin rus dhe ndoshta edhe kundër Moskës, për shkak të ndikimit që sulme të tilla do të kishin në pozicionin e Kinës në konflikt, thekson Reuters. Agjencia përsërit se besueshmëria e dokumenteve nga një burim i pavarur nuk mund të garantohet.