"Spektrum" na zhyt në pranverë me "Një përrallë e diellit"

Në pritje të dy koncerteve të tyre në prill - në Kjustendill dhe Sofje dhe të një turneu në Kanada

botuar më 23-04-07 10.15.PD

Foto: Facebook / Spectrum Vocal Band

Grupi vokal “Spektrum” (Spectrum Vocal Band) na fton të zhytemi në muajin e bukur pranveror të prillit me harmoni që shpalosen dhe lulëzojnë në pesë zërat e jashtëzakonshme të këngëtarëve të grupit, ashtu si natyra jashtë.

Disa javë para turneut të pesë muzikantëve në Kanada, ata na prezantojnë programin e tyre a cappella në një version gjysmë akustik. Më 7 prill, skena e tyre do të jetë Galeria e Arteve "Vlladimir Dimitrov - Mjeshtri" në Kjustendill, organizator i eventit është Shoqata e Muzikës "Marin Goleminov". Dy ditë më vonë - më 09 prill - do të mund t'i dëgjojmë në Sofje, në galerinë "Credo Bonum".

Grupi vokal “Spektrum” është një harmoni e zërave njerëzorë. Që nga krijimi i tij në pranverën e vitit 2012 e deri më tani, formacioni muzikor e ka zhvilluar aktivitetin e tij artistik dhe koncertal, duke zënë një vend të rëndësishëm në skenën muzikore profesionale në vendin tonë. Kërkimet e ndryshme eksperimentale pa kufizime në zhanër e përshkruajnë stilin e tyre – një kombinim i elementeve pop, funk, xhazit dhe etno me beatbox në harmoninë e pesë zërave të bukura të interpretuesve.

Grupi vokal "Spektrum" është fitues i çmimit “Lira e Kristaltë”

Në nëntor 2019, grupi “Spektrum” promovoi albumin e tij debutues me një tingull origjinal funk - “Pikë Kryqëzimi”, dhe në vitin 2021 u përhap në tregun muzikor albumi "Singerprints", i cili përbën një lexim të ri të temave të bukura nga folklori bullgar dhe të pjesëve origjinale me harmoni të pasur dhe ritme të ndryshme popullore.

Spectrum Vocal Band prezanton albumin e vet debutues

Këngëtarët nga Spectrum - Ivelina Coneva, Vesella Morova, Daniell Nikollov, Janko Jankov dhe Konstantin Bejkov, i bashkon një synim - të krijojnë art cilësor dhe estetikisht të shëndoshë, duke treguar fytyrën bashkëkohore të muzikës a cappella bullgare. Dëgjojeni në këngën e “Spektrum” "Një përrallë e diellit" nga albumi i tyre i fundit "Singerprints", ku shfaqet e famshmja Hristina Beleva duke luajtur në gëdullka, e cila është edhe autore e muzikës. Aranzhimi është i Konstantin Bejkovit.