Në asnjë rrethanë nuk parashikohet ndërprerje e procesit zgjedhor, siguroi në Varna zëvendëskryesekretari i Ministrisë së Punëve të Brendshme Komisari Stanimir Stanev. Nesër do të kontrollohen godinat që do të jenë vend votimi dhe më pas do të ruhen, tha zëvendëskryesekretari.

Më vonë, pas një takimi me anëtarët e KQZ-së, zëvendëskryeministri dhe ministri i brendshëm Ivan Demerxhiev deklaroi se kërcënimet me bombë nga fillimi i javës kanë qenë sulme hibride dhe nuk ka asnjë rrezik real. Sipas tij, njerëzit do të nxirren nga qendrat e votimit vetëm nëse ka një kërcënim real. Përveç kësaj, bagazhet e mëdha do të kontrollohen jashtë ndërtesave.

Ndërkohë, drejtorët e shkollave thanë se presin nga MPB një udhëzim të unifikuar se si duhet vepruar në situatën e kërcënimeve me bomba dhe kërcënimeve të tjera ndaj institucioneve arsimore.

“Fakti që shkolla të ndryshme dhe drejtorë të ndryshëm reagojnë në mënyra të ndryshme tregon se ka një problem”, komenton për BNR Veliçka Tasexhikova, drejtoreshë e shkollës fillore të 70-të “Shën Kliment Ohridski” në Sofje.

• Këshilli Publik i KQZ-së: Le t'u besojmë autoriteteve të sigurisë dhe të votojmë

Përktheu dhe publikoi: Vesella Mançeva