Për të katërtën ditë radhazi, alarmet për bomba u morën me postat elektronike të një numër shkollash në të gjithë vendin. Qindra nxënës në Sofje, Varna, Burgas, Veliko Tërnovo, Stara Zagora, Pleven, Sliven, Dobriç u evakuuan. “Për momentin nuk ka asnjë kërcënim real as për sistemin arsimor, as për zgjedhjet. Derisa të shohim qartë burimin, nuk mund të themi me siguri se nga vijnë kërcënimet dhe kush i kryen ato”, komentoi presidenti Rumen Radev. Dhe meqenëse të dielën votimi për parlament do të bëhet në shkollat ​, policët do të vendosen para çdo qendre votimi, tha për Nova TV Simeon Cvetkov, kryetar i Komisionit Rajonal i Zgjedhjeve - Sofje. Sipas tij, në rast të një sinjali kërcënimi, punonjësit e Ministrisë së Brendshme do t’i udhëzojnë anëtarët e komisioneve se si të veprojnë.