Ministrat e mbrojtjes të SHBA-së dhe Rusisë, Lloyd Austin dhe Sergej Shojgu folën me telefon në lidhje me incidentin me dronin amerikan që ra në Detin e Zi, njoftuan Reuters dhe TASS. Biseda u zhvillua me iniciativë të Shteteve të Bashkuara. Sipas një komunikate të mëvonshme të Ministrisë së Mbrojtjes të Rusisë , Shojgu ia bëri të qartë Austin se Rusia do t’u përgjigjet proporcionalisht provokimeve rreth kufijve të saj.
“Fluturimet e mjeteve ajrore strategjike amerikane pa pilot në brigjet e Krimesë kanë një natyrë provokuese, e cila krijon kushtet për një përshkallëzim të situatës në zonën e Detit të Zi”, tha ai. Nga ana e tij, Austin komentoi në një konferencë shtypi se: “Shtetet e Bashkuara do të vazhdojnë të fluturojnë dhe të operojnë kudo që e lejon ligji ndërkombëtar”. Ai i kërkoi Moskës që të drejtojë avionët e saj ushtarakë në një mënyrë të sigurt dhe profesionale. Uashingtoni beson se një gjuajtës rus goditi helikën e aeroplanit mbikëqyrës pa pilot të SHBA-së, ndërsa Moska mohon të ketë pasur kontakt mes dy avionëve dhe ia atribuon incidentin një manovre të mprehtë nga SHBA. Incidenti ishte konfrontimi i parë i drejtpërdrejtë midis Shteteve të Bashkuara dhe Rusisë që nga fillimi i luftës në Ukrainë.
Këshilli i Ministrave nuk diskutoi një kontratë të re midis Bullgarisë dhe Ukrainës për ofrimin e ndihmës ushtarake, njoftoi shërbimi për shtyp i qeverisë. Kabineti propozon që çdo ndihmë e mëtejshme ushtarake për vendin e sulmuar të votohet sërish nga Kuvendi Popullor. “Thëniet se po përgatitet një marrëveshje e re me Ukrainën për sigurimin e armatimeve janë manipuluese”, komentoi ministri i mbrojtjes Dimitër Stojanov. Sa i përket vizitës së komisionerit evropian për tregun e brendshëm, Tieri Breton, vendi ynë është i interesuar të rrisë kapacitetet e industrisë sonë të mbrojtjes dhe mirëpret mbështetjen e BE-së, por në asnjë mënyrë nuk është i përkushtuar për furnizimin me armë Ukrainës, theksohet në mesazhin e kabinetit. Bashkimi Evropian po zhvillon një skemë për prodhimin më të madh të armëve dhe municioneve për të mbështetur ushtrinë ukrainase. Plani ofron ndihmë për 15 kompani armësh në 11 vende.
Nënpresidentja Ilijana Jotova shprehu shpresën se pas zgjedhjeve do të formohet një qeveri e fortë politike. “Mendoj se vota ime zvogëlon tregtinë me blerjen e votave”, tha ajo pasi votoi me makineri për një parlament të ri. Megjithatë, nënpresidentja..
Bullgarët në Auckland të Zelandës së Re votuan të parë në zgjedhjet e parakohshme parlamentare, njoftoi Ministria jonë e Jashtme. Për shkak të diferencës kohore, seksioni zgjedhor atje hapi dyert mbrëmë në orën 21:00 me orën bullgare. Bashkatdhetarët..
Ditën e shtunë do të jetë kryesisht me diell. Pas mesditës mbi zonat perëndimore do të krijohen vranësira të larta. Do të fryjë erë e lehtë nga drejtimi lindor-verilindor. Temperaturat maksimale do të lëvizin ndërmjet 18° dhe 23°, në Sofje rreth..
Rezultatet e exit poll-it të agjencisë sociologjike “Gallup International Balkans”, partner i BNR-së në mbulimin e votave, tregojnë se 8 parti dhe..
Nënpresidentja Ilijana Jotova shprehu shpresën se pas zgjedhjeve do të formohet një qeveri e fortë politike. “Mendoj se vota ime zvogëlon tregtinë me..
Nga fillimi i fushatës zgjedhore e deri më sot në orën 12:00, në strukturat e Ministrisë së Punëve të Brendshme u morën 796 denoncime për shkelje të..