Ministri bullgar i energjetikës Rosen Hristov u takua në Paris me udhëheqjet e kompanive energjetike franceze Framatom dhe EDF. Tema kryesore e bisedimeve ishte bashkëpunimi në energjinë bërthamore. U diskutuan kushtet e furnizimit të karburantit të freskët bërthamor francez për bllokun № 6 të Centralit të vetëm Bërthamor në Bullgari – “Kozlloduj”, pas marrëveshjes së nënshkruar për këtë më 30.12.2022.Disa ditë më parë, një marrëveshje për furnizimin e karburantit për Njësinë № 5 u nënshkrua me “Westinghouse Electric Sweden AB”.

“Siguria është e mundur vetëm duke diversifikuar furnizimet, kështu që Bullgaria, ashtu si modeli çek, do të ketë të paktën dy furnizues të karburantit të freskët bërthamor. Në këtë mënyrë ne i plotësojmë jo vetëm kërkesat evropiane, por ndjekim edhe praktikat më të mira afariste dhe tregtare”, tha Hristov.

• “Rosatom”: Edhe në vitin 2023 do të furnizojmë karburant për Centralin Atomik Elektrik “Kozlloduj” siç është planifikuar