Sipas informacionit të Ministrisë së Punëve të Jashtme, më 2 prill bashkatdhetarët tanë jashtë vendit me siguri do të votojnë në 136 shtete. Për shkak të specifikave të procedurave administrative, Austria, Gjermania, Italia, Franca, Kanadaja, Moldavia, Serbia dhe Norvegjia nuk kanë dhënë ende leje për hapjen e seksioneve në territorin e tyre.

Në Republikën Çeke do të mund të votohet vetëm në territorin e ambasadës sonë dhe nuk do të hapen seksione në Bërno, Ihlava, Liberec, Mllada Bolesllav dhe Pillsen.

U bë gjithashtu një propozim për bashkimin e seksioneve në territorin e Britanisë së Madhe dhe Irlandës së Veriut.

Grupi i punës “Zgjedhjet” i Ministrisë së Jashtme i propozon Komisionit Qendror të Zgjedhjeve që për shkak të shkatërrimeve të shkaktuara nga tërmetet, seksioni në qytetin turk të Adanas të zhvendoset në qytetin fqinj rajonal Mersin, i cili ndodhet 80 kilometra larg tij.

Ekspertët e shërbimit diplomatik sugjerojnë gjithashtu që të mos hapen seksione votimi në resortet në Greqi dhe Turqi, pasi nuk pritet që aty ditën e votimit të ketë votues bullgarë.

Në vend të kësaj mund të hapen seksione në Republikën e Maqedonisë së Veriut, me propozim të konsullit tonë në Manastir, në Kavadar dhe Prilep.