Hotelierët në rajonin e Velingradit raportojnë sezonin më të fortë të dimrit të katër viteve të fundit, për shkak të anulimit të kufizimeve anti-epidemike dhe dimrit të ngrohtë. Aktualisht, në qytet dhe në Rodopet Perëndimore ka po aq turistë sa para pandemisë. Kështu deklaroi Zllatko Zllatanov, kryetar i Shoqatës së Hotelierëve dhe Pronarëve të Restoranteve në Velingrad në një intervistë për BNR-Plovdiv.
Sipas tij, kur ka borë, turistët preferojnë vendpushimet e skive në Bansko, Borovec dhe Pamporovo, por kur është ngrohtë dhe pa borë, ata vizitojnë Velingradin për të përdorur burimet minerale dhe pishinat lokale.
Baza e shtratit në qytet, i njohur edhe si spa-kryeqyteti i Ballkanit, është i zënë ndërmjet 70 dhe 80%, dhe kjo pas festave të Krishtlindjeve dhe Vitit të Ri, pohon Zllatanov. Ai shtoi se, përveç turistëve, vijnë edhe shumë të huaj – pronarë të apartamenteve në rajon - kryesisht qytetarë nga Greqia dhe Turqia fqinje. Kryetari i Shoqatës lokale të Hotelierëve dhe Pronarëve të Restoranteve është i bindur se nuk do të ketë rritje të re të çmimeve në qytetin turistik në të ardhmen e afërt. "Çmimet nuk do të rriten nëse nuk ka ngjarje të jashtëzakonshme", përfundoi Zllatko Zllatanov.
Përpiloi: Veneta Nikollova
Përgatiti në shqip: Vesella Mançeva
Kombinimi i një klime të favorshme, natyrës së bukur dhe ujërave të shumta minerale dhe baltës shëruese në Bullgari është i përshtatshëm për zhvillimin e mjekimeve të ndryshme në resortet tona. Në Kongresin e 11-të Vjetor të Unionit Bullgar të..
Fshehur nga vështrimi i turistit masiv, fshatrat e Danubit janë një magnet për adhuruesit e natyrës në kërkim të privatësisë dhe përvojave autentike. Këta udhëtarë zgjedhin fshatra të vegjël bregdetare si Srebërna, Gigen, Vetren, Novo Sello e të tjerë,..
Sofja nuk është ndër kryeqytetet më të vizituara evropiane, por ka shumë për të ofruar - qyteti është modern, duke ruajtur hijeshinë e së kaluarës. Kryeqyteti bullgar është një alternativë e mirë për Parisin dhe Londrën, shkruan edicioni bullgar i..
Pushimet mund të jenë të paharrueshme jo vetëm buzë detit, ose në mal, por edhe me një shëtitje në plazhet e egra të Danubit. Secili nga qytetet..