Kryeqyteti feston sot 145 vjetorin e Çlirimit nga sundimi osman. Më 4 janar 1878, pas një sërë betejash në kuadër të Luftës Ruso-Turke (1877-1878), njësitë ushtarake ruse nën komandën e Gjen. Josif Gurko hynë si fitimtarë në qytet, tregon Muzeu Historik Rajonal i Sofjes. Në kishën "Sveta Nedelja" /“Shën e Diela”/, atëherë "Sveti Kral", në prani të Gurkos, u mbajt një varrim në kujtim të të vdekurve dhe një lutje për çlirimin e qytetit.
Në ditën kur Sofja feston përvjetorin e saj historik, banorët e Sofjes u japin nder diplomatëve evropianë të cilët, në vitin 1878, ndihmuan në ruajtjen e qytetit. Natën e 3 janarit, kur Sofja priste hyrjen e ushtrisë ruse, para se të largohej nga qyteti, komandanti turk Osman Nuri Pasha lëshoi urdhër për djegien e Sofjes. Zëvendëskonsujt e Francës dhe Italisë - Konti Léandre François René le Gay dhe Vittorio Positano deklaruan kategorikisht se do të qëndrojnë në qytet në shenjë solidariteti me popullsinë vendase. Atyre iu bashkuan zëvendëskonsulli austro-hungarez Josef Waldhart dhe kryerabini i qytetit, Gabriel Almosnino. Veprimi i guximshëm i diplomatëve çoi në anulimin e urdhrit për djegien e Sofjes.
Me rastin e përvjetorit, sot në orën 10:00 në kishën metropolitane “Shën e Diela” në kryeqytet do të mbahet një lutje falënderuese në kujtim të luftëtarëve të vdekur.
Thirrja e kishës është të mbledhë ata që janë ndarë, deklaroi patriarku i ri bullgar Daniil para liturgjisë së tij të parë të shenjtë. “Ka shumë detyra. Sot është një ditë e veçantë, në të cilën festohet kthimi i relikteve të Shën Ivan Rillskit..
Për herë të parë, dy nga vendet më misterioze arkeologjike në Rodopet Lindore janë studiuar në detaje nga ajri. Arkeologët bullgarë fotografuan kompleksin shkëmbor Harman Kaja pranë fshatit Bivoljane dhe kështjellën e lashtë Asara pranë Tatul me të..
Menjëherë pas festës së madhe të krishterë të Rrëshajave, po festojmë ditën e Shpirtit të Shenjtë - personi i tretë i Trinisë së Shenjtë. Festa kishtare është gjithashtu e fundit para festës së të Gjithë Shenjtorëve, e cila përfundon ciklin e Pashkëve...