Po shqyrtohet mundësia e kalimit të rafinerisë “Llukojll Neftohim Burgas” nën kontrollin e shtetit. Propozimi është i lëvizjes për të Drejtat dhe Liritë (DPS) dhe vjen pasi u bë e ditur se qeveria italiane mori përsipër menaxhimin e rafinerisë së Llukojll në Itali për t’u shërbyer interesave strategjike të vendit. Sipas nënkryetarit të DPS-së, Jordan Conev, qëllimi është nëse me vazhdimin e punës së rafinerisë ndalohet eksporti, të sigurohet karburant i lirë për qytetarët bullgarë dhe të ulet çmimi i karburantit. Nuk është ende e qartë se si do të realizohet saktësisht ky synim, i cili do të jetë në harmoni dhe me vendimin e Bashkimit Evropian për vendosjen e embargos ndaj naftës ruse, theksoi Conev.