Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në traditën bullgare Shën Ekaterina është mbrojtëse e fëmijëve

“Kate, moj Kate, Katerino”... këndojnë fëmijët e grupit folklorik nga Satovça

Foto: arkiv

Më 24 nëntor Kisha Ortodokse nderon Dëshmoren e Madhe Ekaterina, e cila jetoi në fund të shekullit të III-të dhe në fillim të shekullit të IV-të. Ekaterina ishte e bija e guvernatorit të Aleksandrisë (Egjipt) në kohën e perandorit Maksimian. Nëna e saj, e cila fshihte besimin e vet në fenë e krishtere, e takoi me një oshënar që e njohu atë me besimin e krishterë. Në vitin 305, vetëm 18 vjeç, Ekaterina u burgos për besimin e saj, u torturua dhe iu pre koka. Sipas legjendës, një engjëll i Zotit e çoi kufomën e saj në malin Sinai, ku më vonë u ndërtua një manastir.

Në traditën popullore bullgare Shën Ekaterina ose Katerina, siç e quajnë, respektohet si mbrojtëse e fëmijëve. Besohet se i mbron nga fruthi.

Në këtë ditë, nënat që kanë fëmijë të vegjël gatuajnë brumë. Një pjesë e vogël e saj, e lyer me mjaltë, vendoset mbi pragun e sipërm të derës ose në çati - dhuratë për Gjyshin Fruthi, që i do ëmbëlsirat. Nga brumi i mbetur përzihet një pite, e cila gjithashtu lyhet me diçka të ëmbël.

Ajo është ende e ngrohtë kur secili nga familja merr një kafshatë prej tij me fjalët: “Shën Katerina na ndihmoftë”. U japin pak edhe qenve që të mos sëmuren nga tërbimi. Besohet se Gjyshi Fruthi nuk do të hyjë në shtëpinë ku bëhet kjo pite.

Më 24 nëntor festojnë të gjithë ata që mbajnë emrin Ekaterina ose derivatet e tij - Katerina, Katja, etj. Kjo është arsyeja pse kënga që zgjodhëm sot flet për një vajzë të quajtur Katerina, e cila “u bë e famshme deri te mbreti se ajo ishte vojvode e një çete prej njëqind të rinjsh”.

Interpreton Grupi Folklorik i Fëmijëve nga fshati Satovça të Bullgarisë Jugperëndimore.

Redaktore: Allena Bezovska

Përgatiti në shqip: Svetllana Dimitrova

Foto: arkiv




Последвайте ни и в Google News Showcase, за да научите най-важното от деня!

Më shumë nga rubrika

Foto: Kori i Fëmijëve i Radios Kombëtare Bullgare

Kori i Fëmijëve i Radios Kombëtare Bullgare befason publikun në koncertin me rastin e 65-vjetorit të krijimit të tij

Kori i Fëmijëve i Radios Kombëtare Bullgare feston 65 vjetorin e tij me një koncert në ditën e themelimit të tij - 21 mars. Që atëherë, këngëtarët e rinj kanë përhapur lavdinë e mjeshtërisë korale bullgare në mbarë botën dhe jo rastësisht quhen..

botuar më 25-03-21 8.05.PD
Grupi Strykers

"Bota është kënga jonë!" – hard rock melodik na kujton të jemi të përgjegjshëm ndaj natyrës

Muzikantët e grupit Strykers udhëhiqen gjithmonë nga ideja e krijimit të një vepre origjinale në fushën e hard rock-ut melodik. Incizimi i tyre i fundit me pjesëmarrjen e këngëtarëve të rinj Gergana Stojanova dhe Leon Daniell i kushtohet Tokës dhe..

botuar më 25-03-20 2.25.MD

Në "Plladnej" grupi JazzBoree përsëri pi ujë nga pusi i folklorit bullgar

Muzikantët nga grupi JazzBoree gërshetojnë traditën dhe modernitetin në këngët e tyre. Kështu ndodh edhe në atë të fundit – “Plladnej” (“Mesdita”), frymëzuar nga historitë tona popullore të dashurisë. Këngëtarja Savina Pllamenova është autore e muzikës..

botuar më 25-03-19 6.45.PD