Zhvillimi i bujqësisë vendase është i lidhur ngushtë me punën e specialistëve shkencorë që ndihmojnë fermerët. Me rastin e shënimit të 70 vjetorit të themelimit të Institutit të Frutikulturës në Plovdiv, zëvendësministri i bujqësisë Todor Xhikov theksoi se komuniteti shkencor bullgar ka dhënë një kontribut të rëndësishëm në zhvillimin e frutikulturës në Evropë.

Ai theksoi se Ministria e Bujqësisë mbështet punën e Institutit të Frutikulturës dhe shprehu shpresën se edhe në të ardhmen bashkëpunimi i suksesshëm do të vazhdojë për të mbështetur zhvillimin e bujqësisë. Sipas Xhikovit, një nga problemet e vendit tonë është shpopullimi në zonat rurale, malore dhe gjysmë malore, të cilat përbëjnë 44% të territorit të vendit.

• Një Bullgari që po zhduket përmes fotoobjektivit të Georgi Haxhievit

• Fryma e fshatrave fantazmë ose muzikë e heshtjes

“Bujqësia në veçanti mund të zvogëlojë shkallën e shpopullimit, madje të krijojë një prirje të kundërt drejt kthimit të njerëzve në këto zona”, shpjegoi zëvendësministri Todor Xhikov.