Një bullgare që nuk e ka përjetuar kurrë luksin në jetën e saj është sot në mesin e gjuetarëve të diamanteve në botë, shkruan gazeta britanike “Express”. 46-vjeçarja Julia Castelli u rrit në qytetin Radomir, afër kryeqytetit, në një familje të një bullgari dhe një ruseje. Sot ajo jeton në Londër, por shpesh duhet të udhëtojë nëpër botë në kërkim të bizhuterive unike për klientët e saj të pasur. Marrëveshja e saj më e madhe ishte një diamant për 20 milionë paundë. Në një intervistë për “24 Çasa”, Julia tha se kjo ka ndodhur në vitin 2008 për një klient privat, por nukzbuloi detaje, pasi konfidencialiteti është një element shumë i rëndësishëm në punën me diamantet. Bullgarja nisi të mësonte të gjitha gjërat e sipërmarrjes së bizhuterive në Nju Jork, ku fillimisht shkoi për të punuar në një dyqan bizhuterish. Kur u largua nga vendlindja, ajo ishte 25 vjeçe, sapo kishte mbaruar për ekonomi në Universitetin për Ekonomi Kombëtare dhe Botërore në Sofje, por tashmë kishte marrë dituri të mira ekonomike.
“Pas rënies së sistemit socialist, prindërit e mi provuan gjëra të ndryshme, në të cilat i ndihmuam unë dhe vëllai. Kishim një kafene dhe një dyqan ndriçimi. Importonim edhe makina nga Evropa Perëndimore dhe unë bashkë me babanë dhe vëllain duhej të merrja pjesë në sjelljen e tyre në Bullgari”, thotë Julia. Meqenëse diamantet nuk shiten çdo ditë, Julia merret edhe me organizimin e udhëtimeve ekzotike për klientët e saj të pasur. Udhëtimi është një tjetër pasion i saj, në të cilin bullgarja ka investuar ndër vite shpirtin e saj sipërmarrës dhe ka fituar shumë përvojë.
Përpiloi: Gergana Mançeva
Përgatiti në shqip: Vesella Mançeva
Shija pikante është një kulturë. Aleksandër Kjurkçiev - Sando, themeluesi i një ferme për speca djegëse pranë Sofjes dhe muzeut të parë për speca djegës në vendin tonë, është i bindur për këtë. Ai organizoi për të dytin vit radhazi festivalin “Chilli..
Qyteti bregdetar Çernomorec shënon festën e tij në Ditën e Shën Nikollës Çudibërësit. Shën Nikolla nderohet si shenjtor mbrojtës i peshkatarëve dhe marinarëve. Çdo vit në këtë datë organizohet një procesion litik me ikonën mrekullibërëse të Shën..
Sheshi i akullit më i madh në Gadishullin Ballkanik “Ice Park” ndodhet në Sofje. Parku i akullit i sapohapur zë një sipërfaqe totale prej 11,000 metrash katrorë, me një fushë akulli prej 4,000 metrash katrorë. Tre sheshe patinazhi të mëdha janë të lidhura..
Nata e Buzmit është një nga ato festat e qeta familjare, të mbushura me shpresë për ditët në vijim. Në kufirin mes të shkuarës dhe të tashmes,..
Skulptura "Lindja e Krishtit prej rëre në Burgas", të cilën artistët britanikë Paul dhe Remy Hogarth po e skulpturojnë në qendër të Burgasit para syve të..
Optimizëm i kujdesshëm për Sirinë - ky është pozicioni që ka mbizotëruar deri më tani në BE që nga rënia e regjimit të Bashar Asadit. Shumica e politikanëve..