U shpallën fituesit e çmimeve "Lira e Kristaltë" për vitin 2022. Themeluar në vitin 1996, ato jepen çdo vit nga Unioni i Artistëve Bullgar të Muzikës dhe Valleve dhe Radio Classic FM për arritje të jashtëzakonshme në muzikë, performancë dhe në artin e kërcimit. Këtë vit në rubrikën POP DHE ROCK MUZIKA çmimi prestigjioz iu dha grupit vokal “Spektrum”. Grupi mori çmimin "Lira e Kristaltë" për albumin “Singerprints”, i cili pati një premierë koncerti në shtator 2021. Albumi u nominua për çmimet prestigjioze CARA për prodhimin bashkëkohor të regjistrimit a cappella në dy kategori - "Albumi më i mirë evropian" dhe ˮAlbumi më i mirë folklorik”; si dhe për shfaqjet e "Spektrum" në kuadër të festivaleve “A to JazZ”, "Vera e Varnës", “Singing Bridges” në Novi Sad të Serbisë etj.

Në vitin 2022, Borjana Jordanova, Vesella Morova, Daniell Nikollov, Janko Jankov dhe Konstantin Bejkov festojnë dhjetë vjet nga krijimi i grupit a cappella. Këngëtarët organizojnë një koncert me këtë rast më 17 nëntor në kinemanë "Lumiere" në Sofje dhe premtojnë një udhëtim emocional retrospektiv në historinë e "Spektrum" - që nga fillimi, kur performuan si oktet, pas kësaj duke pasur shfaqje në mbrëmjen e paharrueshme të koncertit të grupit legjendar "Manhattan Transfer" në Sofje, duke incizuar albumin e tyre debutues "Cross Point", e deri në eksperimentet e tyre të funditmuzikore.