Ai quhet Cvetan Apostollov dhe ka lindur në vitin 1925 në fshatin Lobosh të rrethit të Pernikut(Bullgaria Perëndimore). 97-vjeçari bullgar jeton në një shtëpi në Belo Horizonte, i cili është qyteti i gjashtë më i madh brazilian me një popullsi prej 2.7 milionë banorësh. “Gjyshi Cvetan është bullgari më i vjetër në vend, me sa e di unë”, tha për BTA bashkatdhetari ynë nga Brazili, Daniell Metodiev. Së fundmi ai vizitoi gjyshin Cvetan dhe bisedoi me të.
Gjatë të gjitha këtyre viteve Cvetan nga fshati Lobosh i Bullgarisë Perëndimore nuk e ka harruar bullgarishten. Ai tregoi me dëshirë të madhe për vëllezërit e tij, për vendlindjen, për studimet në Universitetin e Sofjes.
Cvetan Apostollov ishte 26 vjeç kur emigroi në Brazil në vitin 1951. Në fillim ai jetoi dhe punoi si inxhinier elektrik në Rio de Zhaneiro, në shtetin e Bahia (nga është gruaja e tij e dytë, Flavia). Më pas bullgari u zhvendos, duke u vendosur përgjithmonë në Belo Horizonte. Deri në pensionimin e tij, Cvetan punoi në ndërmarrjen energjetike të shtetit brazilian të Minas Gerais.
“Dhe gjatë të gjitha këtyre viteve, gjyshi Cvetan nuk ka dashur të pranojë nënshtetësinë braziliane. I pëlqen të thotë se është bullgar dhe do të mbetet bullgar përgjithmonë. Dhe si i tillë duhet të ketë vetëm një shtetësi – shtetësinë bullgare”, thotë Daniell Metodiev.
Përpiloi: Veneta NikollovaPërgatiti në shqip: Vesella Mançeva
Bullgaria mbetet e përkushtuar ndaj misionit të përbashkët të zhvillimit të potencialit të shkencës në mbështetje të paqes në një botë të konkurrencës së ashpër dhe për zhvillimin pozitiv të shoqërive tona. Kështu deklaroi kreu i shtetit Rumen..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë në prodhim. Pas protestave masive bujqësore në të gjithë BE-në që nga fillimi i vitit, fermerët po..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen për vitin akademik 2024-2025 është rritur me rreth 11%. Kështu ka thënë për programin “Hristo Botev”..
Motra Meri Grejs është një nga 7 murgeshat në manastirin benediktin në fshatin Carev Brod, Bullgaria Verilindore. Ajo është 27 vjeçe dhe është..