Liderët e partive, sidomos të përfaqësuar në parlament, më në fund duhet të marrin përgjegjësinë e tyre dhe të bëjnë që të tërheqin qytetarët në kutitë e votimit, në mënyrë që ata të kenë një përfaqësim shumë më serioz dhe të mos arrihet deri këtu.” Kështu e komentoi nga Brukseli presidenti Rumen Radev krizën në Kuvendin Popullor rreth zgjedhjes së kryetarit të parlamentit. Ai uroi që të mbizotërojë arsyeja dhe deputetët të formojnë një parlament - kusht pa të cilin kreu i shtetit nuk mund të fillojë konsultimet për formimin e një kabineti. Rumen Radev gjithashtu shprehu pritjen që të miratohet buxheti i shtetit, si dhe projektligjet e përgatitura nga qeveria e përkohshme në kuadër të Planit të Rimëkëmbjes, në mënyrë që BE-ja të fillojë pagesat. “Është koha për të gjetur një rrugëdalje nga kjo krizë politike dhe për të kryer reformat që mungojnë prej vitesh”, theksoi presidenti.