Presidenti Petër Stojanov /1997 - 2002/ dorëzoi çmime për trimëri qytetare dhe mirësi njerëzore. Çmimi i madh për kontributin e përgjithshëm iu dha Olena Koceva nga Shoqata “Mati Ukraina”, e cila organizoi mbi 54 tonë ndihma dhe mblodhi dhe dhuroi mbi 1.5 milion leva /767 mijë euro/ për refugjatët ukrainas në Bullgari, si dhe për ata në nevojë në Ukrainë.

Në mesin e të dekoruarve është edhe Nikolla Rahnev nga Gorata.bg.

• Nikolla Rahnev: “Në zemrën time kam një pyll”

Çmimet ishin në katër kategori - për vullnetarë, për një grup bashkëmendimtarësh ose një rrjet social, për organizata joqeveritare dhe për sipërmarrës ose kompani private që ndihmuan refugjatët ukrainas.

“Çdo ditë prodhojmë lajme negative, ndonjëherë edhe disa herë në ditë. Prandaj, është e rëndësishme që iniciativat dhe shembujt pozitivë të mos mbeten në periferi të vëmendjes së publikut”, tha Stojanov.

I pranishëm në këtë aktivitet ishte edhe ambasadori i Ukrainës Vitalij Moskalenko.