Nëse nuk ndodh diçka e jashtëzakonshme në shkallë ndërkombëtare dhe me luftën në Ukrainë dhe situata vazhdon, çmimet e gazit natyror për nëntor dhe dhjetor nuk do të rriten. Këtë e tha kryetari i Komisionit për Rregullimin e Energjisë dhe Ujërave Ivan Ivanov në tryezën e rrumbullakët në Sofje kushtuar “Tranzicionit të Gjelbër”. Sipas tij, çmimi për muajin e ardhshëm madje pritet të ulet. Ivanov kujtoi se çmimi për muajin tetor u ul me 34 për qind, që është kryesisht për shkak të faktit se lidhja bullgaro-greke e gazit Stara Zagora - Komotini filloi të funksionojë më 1 tetor dhe nga rënia e çmimit të gazit në bursën kryesore në Holanda. Ai theksoi se në vendet e BE-së, depozitat e gazit janë plot 90 për qind, ndërsa në Bullgari 77 për qind.