Me 100% protokolle të përpunuara të komisioneve zgjedhore sektoriale të bullgarëve që kanë votuar jashtë vendit, në vendin e parë është “Lëvizja për të Drejta dhe Liri” (DPS) me 31,80% të votave, e dyta është “Po e vazhdojmë ndryshimin” me 22,26 %, njofton Komisioni Qendror i Zgjedhjeve. Partia “Vëzrazhdane” merr 14,46% të votave, ndërsa për koalicionin “Bullgaria Demokratike” kanë votuar 9,85% e bullgarëve jashtë vendit. Koalicioni "GERB-SDS" mbledh 8.99% të votave, "Ka një popull të tillë" - 4.74%. Për koalicionin "BSP për Bullgarinë" mbeten 2.13% e votave, ndërsa për partinë "Ngritja Bullgare" 1.98%. 3883 bashkatdhetarë tanë jashtë vendit kanë votuar me “nuk mbështes askënd”. Seksionet e fundit që u mbyllën ishin në shtetet amerikane të Kalifornisë, Arizonës dhe Nevadës, si dhe në qytetin kanadez të Vankuverit për shkak të diferencës kohore, njoftoi Ministria e Jashtme. Votimi atje përfundoi në orën 6:00 të mëngjesit me orën bullgare të hënën, më 3 tetor 2022. Bullgarët në mbarë botën votuan në gjithsej 755 qendra votimi në 62 vende.