Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Po inaugurojnë një monument të kompozitorit Petko Stajnov

Vazhdojnë festimet me rastin e 125 vjetorit të lindjes së kompozitorit të njohur

Më 20 shtator inaugurohet monumenti i akademikut  Petko Stajnov - një nga kompozitorët më të shquar bullgarë, i cili krijoi vepra të rëndësishme për kulturën tonë kombëtare.Përpara se tu tregojmë më tepër për ngjarjen, le të rikujtojmë  se krahas veprimtarisë së tij krijuese , akademiku Stajnov është kryetari i parë i Lidhjes së Kompozitorëve Bullgarë“Muzikë Bashkëkohore”, e themeluar gjatë vitit 1933, themelues dhe drejtor i parë i Institutit për Muzikë pranë Akademisë Bullgare të Shkencave, themelues, kurse që nga viti 1933 - kryetar shumëvjeçar i Bashkimit të Koreve Popullore.

Më 1 dhjetor 2021 u mbushën 125 vjet nga lindja e tij. Në lidhje me këtë përvjetor në fillim të vitit të kaluar u krijua dhe një Komitet Iniciativë Kombëtar, i drejtuar nga akademiku Julian Revallski - Kryetar i Akademisë Bullgare të Shkencave. “Në sajë të kësaj iniciative, si dhe të letrave  të cilat akademiku Revallski u dërgoi institucioneve të ndryshme, përvjetori u pasqyrua gjerësisht si në Sofje, ashtu edhe në të gjithë vendin, pavarësisht nga situata e ndërlikuar pandemike.  Natyrisht që kishim planifikuar edhe më shumë aktivitete, por jo të gjitha u realizuan, ndaj vendosëm të vazhdojmë festimet deri më 1 dhjetor 2022”, thotë Petko Stajnov-nipi, kryetar i fondacionit që mban emrin e gjyshit të tij.

Fondacioni "Petko Stajnov" i themeluar 22 vjet më parë zhvillon një aktivitet të madh, një ndër të cilët është sistemimi dhe digjitalizimi i arkivit të madh të artistit të shquar bullgar.

Petko Stajnov-nipi

“Merita kryesore për këtë i takon babait tim – arkitektit  Stefan Stajnov, një nga themeluesit e fondacionit dhe udhëheqësi shumëvjeçar i saj - thotë Petko Stajnov-nipi. - Falë tij kemi një arkiv tërësisht të digjitalizuar. Kështu ndodhi që fondacioni kishte fonde të kufizuara, por ende të mjaftueshme për të zhvilluar aktivitetet e tij. Qëllimi ynë kryesor është që të popullarizojmë dhe të ruajmë kujtimin për personalitetin e Petko Stajnovit, por mes prioriteteve tona është si parim dhe popullarizimi i muzikës klasike bullgare. Gjithmonë kemi qenë të gatshëm të bashkëpunojmë me organizatat e tjera, të cilat kanë qëllime të përafërta.

Një nga iniciativat tona gjatë vitit jubile është përfundimi i projektit për monumentin, i cili është vepër i profesorit Valentin Starçev dhe të djalit të tij Kamen Starçev. Arkitekt i kompozicionit është Ivan Avramov. Monumenti ngrihet në Kopshtin e Borisit, në një afërsi me estradën  verore  dhe me monumentin e një kompozitori tjetër të shquar bullgar Panço Vlladigjerov.”

Së bashku me Lidhjen e Kompozitorëve Bullgarë dhe Bashkimin e të Verbërve në Bullgari, Fondacioni “Petko Stajnov” është iniciatori dhe investitor kryesor. “Jemi mirënjohës për mbështetjen e dhënë nga Bashkia e Sofjes, si dhe të gjithë të tjerëve “në zinxhirin e gjatë” që ndihmuan që kjo nismë e ndërmarrë të përfundojë me sukses”, thekson Petko Stajnov – nipi.

Monumenti  inaugurohet ditën e martë më 20 shtator, pas së cilës parashikohet një koncert. Sipas fjalëve të Petko Stajnovit-nipi, ai është i planifikuar prej kohe dhe ka përkuar me inaugurimin. Në koncert do të marrin pjesë Kori i Bashkimit të të Verbërve me dirigjent Petër Matev dhe Orkestra  Frymore e Sofjes me dirigjent Vasill Deliev. Do të tingëllojnë vepra të Petko Stajnovit, kurse Orkestra Frymore e Sofjes do të ekzekutojë edhe vepra të kompozitorëve të tjerë, të lidhura tematikisht  me veprën dhe krijimtarinë e Stajnovit.

Përgatiti në shqip: Nataniela Vasileva

Foto: Fondacioni "Petko Stajnov", BNR



Последвайте ни и в Google News Showcase, за да научите най-важното от деня!

Më shumë nga rubrika

Miljo Balltov (1871 - 1951)

Miljo Balltov pikturoi “engjëllin më të gjallë” në kishat e trojeve tona

Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..

botuar më 25-03-15 9.25.PD
Artistët për fëmijë

Kinemaja bullgare në fokus në edicionin e 29-të të Sofia Film Fest-it Ndërkombëtar

"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..

botuar më 25-03-13 2.36.MD

Qytetet e festivalit nga Evropa ndajnë përvojën në një forum të specializuar në Sofje

Më 13 dhe 14 mars 2025 në Sofje do të mbahet Konferenca "Festivali dhe qyteti", e organizuar nga Shoqata Bullgare e Festivaleve me pjesëmarrjen ndërkombëtare të ekspertëve të Shoqatës Evropiane të Festivaleve. Gjatë forumit do të bëhet një analizë e..

botuar më 25-03-13 6.10.PD