Qeveria do të rinovojë negociatat me Azerbajxhanin për rritjen e furnizimit me gaz në vendin tonë, njoftoi ministri i energjisë nga qeveria e përkohshme Rosen Hristov. “Kanë rezerva, pyetja është sërish çmimi. Nuk kemi rënë dakord për sasi shtesë, kështu që nga e hëna do të fillojmë bisedimet”, tha ministri. Sipas tij, dikasteri do të vazhdojë të kërkojë gaz për të mbuluar konsumin për të gjithë periudhën e dimrit. Përpjekjet do të përqendrohen në nënshkrimin e kontratave afatmesme për të siguruar furnizime sistematike të gazit me tubacione me çmime konkurruese. “Për momentin sasitë nuk na shqetësojnë aq shumë – kemi oferta për furnizim me gaz, gjëja më shqetësuese është trendi në treg për rritje sistematike të çmimeve”, theksoi Rosen Hristov.