Izolimi i detyrueshëm për të sëmurët me Covid-19 do të ulet nga 10 në 7 ditë. Kështu deklaroi në një konferencë para Ministrisë së Shëndetësisë, docent Angell Kunçev – kryeinspektori shtetëror shëndetësor. Karantina e personave të kontaktit ulet nga 7 në 5 ditë, ndërsa për personat që janë brenda 3 muajve nga vaksinimi i fundit - me dozë të plotë ose përforcuese, si dhe për ata që janë sëmurë brenda kësaj periudhe, karantina hiqet.

Sipas Kunçevit, ky është hapi i parë drejt lehtësimit gradual të masave kundër koronavirusit. Urdhri hyn në fuqi nga e enjtja dhe do të jetë në fuqi për një javë.

Të paktën deri më 25 gusht mbetet e detyrueshme mbajtja e maskave në transportin publik, objektet mjekësore, farmacitë dhe institucionet që ofrojnë shërbime sociale.