Një atlet i gjatë, i zhurmshëm, i shkëlqyer që u bë një "silur i gjallë" për vendin e tij - kështu e kujton historia kapitenin Dimitër Spisarevski. Një person që pagoi me jetën e tij shpëtimin e dhjetëra bashkëqytetarëve të tij gjatë bombardimeve të Sofjes në Luftën e Dytë Botërore.
Më 1 gusht 1943, një divizion bombarduesish i Shteteve të Bashkuara filloi një operacion të madh kundër Rumanisë. Kjo bastisje ishte e pasuksesshme dhe rezultoi në humbje të mëdha - divizioni humbi gjysmën e avionëve të tij, gjashtë prej të cilëve u rrëzuan nga pilotët bullgarë ndërsa kalonin përmes hapësirës ajrore vendase. Për shkak të pjesëmarrjes së Bullgarisë në këto luftime me një rëndësi strategjike, aleatët fillojnë sulmet hakmarrëse kundër Sofjes dhe qyteteve të tjera të vendit, duke vënë në rrezik qindra bullgarë të pafajshëm. Dhe kështu historia lind heronjtë e vet. Një prej tyre është 27 vjeçari Dimitër Spisarevski. Më 20 dhjetor 1943, gjatë kohës së një sulmi të natës ai rrëzon 2 bombardues amerikanë. Në këtë mënyrë piloti bullgar humbet jetën e tij. Pas vdekjes u gradua në gradën e kapitenit, ndërsa në vitin 2009 me gradën e kolonelit në Forcat Ajrore Bullgare.
Më 19 korrik 2022 mbushen 106 vjet nga lindja e Dimitër Spisarevskit dhe në lidhje me këtë Muzeu Regjional Historik në qytetin e tij të lindjes Dobriç hap një ekspozitë foto-dokumentare me titull “I martuar me Bullgarinë”, e titulluar sipas fjalëve të vet pilotit -“Unë jam i martuar me Bullgarinë”. Ajo është e renditur në hyrjen e Qendrës Bashkiake të Rinisë “Zahari Stojanov”. Gjatë të gjithë ditës njerëzit që kanë dëshirë të përkulen në shenjë nderi përpara trimërisë së kapitenit Spisarevski mund të vendosin lule përpara pllakës përkujtimore të heroit, të vendosur në afërsi me shtëpinë e babait të tij. Redaktore: Vesella KrëstevaPërgatiti në shqip: Nataniela Vasileva
Arkeologët bullgarë zbuluan një statujë të dytë në kanalin e madh të ujërave të zeza të qytetit antik Heraklea Sintika. Arkeologët nga ekipi i Prof. Dr. Ljudmill Vagalinski hasën në një tjetër skulpturë mermeri pranë vendit në kanal ku në korrik u..
Shenjtërorja trake e Begliktashit ndodhet 5 km nga qyteti i Primorsko dhe është vetëm një nga kuriozitetet interesante në rajon. Në zonën përreth shihen edhe dolmenë të shumtë të ruajtur mirë që lidhen me ritualet e varrimit të fiseve trake. Në fakt,..
Pas festës së madhe të Fjetjes së Hyjlindëses, Lindja e Nënës së Zotit kremtohet me nder të veçantë në Bullgari. Kisha jonë e feston atë më 8 shtator, së bashku me kishën ortodokse greke, ndërsa kishat e tjera ortodokse lokale e kremtojnë festën më 21..
Arkeologët bullgarë zbuluan një statujë të dytë në kanalin e madh të ujërave të zeza të qytetit antik Heraklea Sintika. Arkeologët nga ekipi i Prof. Dr...
Vranësira të ndryshueshme mundësi për reshje shiu
Vranësira të dendura me shi
Vranësira
Diell, re, shi, bubullime