Në konsultimet me presidentin përpara dorëzimit të mandatit të tretë eksplorues për formimin e kabinetit, kreu i Lëvizjes për të Drejtat dhe Liritë (DPS) Mustafa Karadajë, konfirmoi qëndrimin e partisë se vendit i duhen zgjedhje të parakohshme. Megjithatë, sipas tij, çështja e rëndësishme është se çfarë duhet bërë para mbajtjes së tyre.

Kreu i DPS-së kujtoi se partia e tij kohë më parë identifikoi formulën e gabuar për formimin e mazhorancës në Kuvendin Popullor dhe deklaroi se po vjen një votim i parakohshëm.

“Jemi në krizë politike, shëndetësore, ekonomike, energjetike, prandaj në këtë situatë, qysh në prill, deklaruam se formula dhe qeveria aktuale që ka dhënë dorëheqje është e gabuar. Logjika politike dikton që një koalicion i bazuar në urrejtje, kundërvënie, përçarje dhe revanshizëm nuk mund të zgjasë dhe do të bjerë herët a vonë”, tha Mustafa Karadajë.

Në të njëjtën kohë, ai kujtoi se DPS ka luajtur gjithmonë “rolin e saj kryesor, përgjegjës” në situata krize. “Ne do të mbajmë përgjegjësinë tonë dhe nuk do të ikim prej saj”, shtoi ai.

• “Po e vazhdojmë ndryshimin” do të negociojë me të gjithë ata që nuk varen nga forcat e prapaskenës
  

• GERB-SDS do të sugjerojë zgjidhje për daljen nga kriza, por nuk do të mbështesë një kabinet të ri