“Unë jam këtu për të konfirmuar mbështetjen e vendosur të vendit tim për Malin e Zi në rrugën e tij evropiane. Mali i Zi është vendi më i përparuar në procesin e zgjerimit të BE.” Këtë e deklaroi Presidenti Rumen Radev në kuadrin e vizitës së tij në vendin ballkanik në një konferencë të përbashkët për media me homologun e tij malazez Millo Xhukanoviç. Radev shprehu shpresën se reformat në Mal të Zi do të përshpejtohen dhe në kohë të afërt do të mund ta mirëpresim atë si anëtar me të drejta të plota të BE-së. Ai theksoi se Bullgaria është e gatshme të ndihmojë në këtë proces me njohuritë dhe përvojën e akumuluar. “Ne mendojmë se investimi më i madh i BE-së për paqen dhe stabilitetin e Evropës është integrimi i Ballkanit Perëndimor”, theksoi Millo Xhukanoviç.