Kryeministri Kirill Petkov ripohoi, se partia “Po e vazhdojmë ndryshimin” mori ftesë për aderim me grupin liberal evropian “Rinovo Evropën”. Partia më e madhe parlamentare në Bullgari do të vendosë nëse do të aderohet në një mbledhje të këshillit ekzekutiv.Petkov tha se Grupi i Liberalëve Evropianë duket një vend logjik për “Po e vazhdojmë ndryshimin”, por do të vendosë kushte për vendosjen e standardeve të reja më të larta kundër korrupsionit.

Nga Bullgaria anëtare e “Rinovo Evropën” është Lëvizja për të Drejtat dhe Liritë (DPS). I pyetur nga gazetarët nëse ai dëshironte që DPS të largohet në mënyrë që partia e tij t’i bashkohet “Rinovo Evropën”, Petkov tha: “Unë do të pyesja se çfarë duhet të bëjë DPS për t’u ndjerë pjesë e këtij standardi të ri.Për shembull, “si do t’i justifikonin njerëzit nga Ligji Magnitski për të qenë në rolet e tyre drejtuese, në rreshtin e parë të parlamentit, kur flasim për një standard më të lartë në nivelin e korrupsionit”.

Kujtojmë se në mesin e të sanksionuarve nga Ligji Magnitski është edhe deputeti i DPS-së, Deljan Peevski.