Këshilltari i Sigurisë Kombëtare i Shtëpisë së Bardhë, Jake Sullivan, tha në një konferencë shtypi se Rusia nuk mund të ndërpresë furnizimet me armë për Ukrainën, madje edhe të gjurmojë dhe sulmojë grupe individuale. “Ne kemi një zinxhir furnizimi të larmishëm dhe të qëndrueshëm”, tha Sullivan pasi Moska pretendoi se asgjësoi ndihmën ushtarake perëndimore me raketa në rajonin Zhitomir.

Presidenti i Forumit Ekonomik Botëror, Björg Brende, bëri thirrje për një “Plan Marshall” për rimëkëmbjen e Ukrainës. “Edhe pa një marrëveshje paqeje, gjë që nuk ka gjasa për momentin, ne jemi të detyruar të fillojmë punën e rindërtimit, të paktën në zonat nën kontrollin e Ukrainës”, tha Brende.

Presidenti ukrainas Vollodimir Zelenski do të mbajë fjalim në Forumin Ekonomik Botëror në Davos, takimi vjetor i të cilit për vitin 2022 do të mbahet nga 22 deri më 26 maj. Konflikti ushtarak në Ukrainë është në qendër të ngjarjes më të madhe ekonomike, që mbledh liderë shtetërorë nga 50 vende në pushimoren zvicerane. Mes 2500 delegatëve, nuk do të ketë përfaqësues rus as në nivel politik, as në nivel ekonomik, njoftoi REUTERS.