Fondet e lira nga programet operative evropiane drejtohen me vendim të qeverisë për të plotësuar nevojat e atyre që ikin nga lufta në Ukrainë dhe vendosen në Bullgari. 60 milionë leva (rreth 30 milionë euro) nga programi “Qeverisja e Mirë” përdoren për ndihma materiale, ushqimore dhe joushqimore, të cilat do të shpërndahen nga Kryqi i Kuq. Fondet do të përdoren gjithashtu për integrimin arsimor dhe aksesin e fëmijëve nga Ukraina në kujdesin ditor, si dhe për kostot e transportit për zhvendosjen e njerëzve me mbrojtje të përkohshme dhe strehim.

Në mbledhjen e sotme, Këshilli i Ministrave miratoi një vendim për vendosjen në qendra pushimore dhe në baza për rehabilitim të personave që janë larguar nga Ukraina si rezultat i luftës, kanë hynë dhe kanë mbetur në Bullgari, duke marrë mbrojtje të përkohshme.