Zëvendëskryeministri dhe Ministri i Financave Asen Vasilev dhe Ministri i Energjetikës Aleksandër Nikollov ndodhen në Bruksel, ku po bisedojnë për hapat që duhet të ndërmerren pas pezullimit të furnizimit me gaz nga Rusia. Sipas Vasilevit, vendi ynë ka marrë mbështetje të fortë nga Brukseli. Në dy javët e ardhshme në vendin tonë do të vendoset një qendër koordinimi për shpërndarjen e gazit dhe energjisë elektrike për Evropën Juglindore dhe Italinë. Vasilev theksoi gjithashtu se Bullgaria nuk do të hapë llogari në bankën e Gazprom-it, "Ne kurrë nuk kemi hequr dorë nga kontrata me Gazprom, ata e kanë ndërprerë zbatimin e kontratës në mënyrë të njëanshme", shtoi Zëvendëskryeministri bullgar.