Gjatë vizitës së tij në Spanjë, Presidenti Rumen Radev diskutoi me kryeministrin spanjoll Pedro Sanchez për sigurinë në Evropë, pezullimin e furnizimeve me gaz natyror rus, si dhe mundësitë për ndërtimin e kapaciteteve moderne të mbrojtjes. Duke komentuar situatën e gazit, Radev vuri në dukje se Spanja ndër vite ka vepruar në mënyrë preventive, duke marrë gaz nga Shtetet e Bashkuara, Algjeria dhe Nigeria dhe është plotësisht e pavarur.

"Gazi rus është vetëm 6 për qind, ndërsa te ne sasia është shumë më e madhe (rreth 90%), tha presidenti. Ai komentoi se në vendimet e saj qeveria duhet të udhëhiqet nga fakti që çmimi të jetë sa më i ulët, pasi një pjesë e madhe e shoqërisë bullgare ka vështirësi financiare".