Më shumë se 100 000 njerëz janë ende në Mariupoll dhe nuk mund të evakuohen, njoftoi kryebashkiaku. Autoritetet po kërkojnë ndihmë për të evakuuar të bllokuarit nga qyteti i shkatërruar. Sipas ndihmësit të presidentit Zelenski Oleksij Arestoviç, mbrojtja ukrainase në Mariupol është në prag të kolapsit.

Mbrëmë vonë, Presidenti ukrainas Volodimir Zelenski foli me Sekretarin Amerikan të Shtetit Antony Blinken dhe Ministrin e Mbrojtjes Lloyd Austin, të cilët mbërritën në Kiev të dielën në mbrëmje. Në takim, Blinken dhe Austin njoftuan sigurimin e më shumë se 700 milionë dollarëve ndihmë ushtarake shtesë, direkte dhe indirekte për Ukrainën. Këtë javë pritet edhe kthimi i diplomatëve amerikanë.