Rusia ka refuzuar një propozim të Sekretarit të Përgjithshëm të OKB-së António Guterres për një pauzë humanitare në Ukrainë gjatë Pashkëve, tha ambasadori ukrainas në OKB Sergej Kislica në Twitter.

Kievi ka ofruar të zhvillojë bisedime me Rusinë pa parakushte në qytetin e rrethuar të Mariupolit. Ne duam të negociojmë evakuimin e mbrojtësve ukrainas, u citua nga AFP këshilltari presidencial Mihail Podoliak.

Pas bisedimeve në Kiev me Presidentin e Këshillit Evropian, Charles Michel, presidenti ukrainas Vorodimir Zelenski tha se Moska nuk i ka paraqitur një marrëveshje paqeje Ukrainës. Zelenski pranoi se ushtria ukrainase nuk ka pajisje të mjaftueshme për të zhbllokuar Mariupolin dhe tha se 934 vendbanime janë çliruar që nga fillimi i pushtimit rus.