Kryetari i Komitetit Ushtarak të NATO-s, Adm. Rob Bauer mbërriti për një vizitë zyrtare në Bullgari me ftesë të shefit të mbrojtjes Adm. Emill Eftimov. Gjatë vizitës ai do të takohet edhe me Ministrin e Mbrojtjes Dragomir Zakov. Forcimi i mbrojtjes juglindore të NATO-s pritet të diskutohet në kontekstin e luftës në Ukrainë, si dhe përshtatja e Aleancës me mjedisin e ndryshuar gjeopolitik të sigurisë. Adm. Emill Eftimov dhe adm. Rob Bauer do të marrin pjesë nesër në Ditën e Demonstrimit të Aftësive gjatë një stërvitjeje të përbashkët të një grupi luftarak në terrenin stërvitor “Novo Sello”.

Bullgaria pret mbështetje në kohë nga aleatët e saj për të ruajtur kapacitetin mbrojtës të ushtrisë bullgare dhe për të modernizuar forcat e saj të armatosura, vuri në dukje Kreu i Shtetit Rumen Radev, i cili sot zhvilloi një takim me kryetarin e Komitetit Ushtarak të NATO-s, Admiralin Rob Bauer. Kreu i Shtetit kishte gjithashtu një bisedë telefonike me Presidentin gjerman Klaus Johannes, me të cilin diskutoi për ruajtjen e potencialit të korridoreve të transportit në Evropën Lindore dhe marrjen e masave për të parandaluar që lufta në Ukrainë të çojë në një krizë humanitare në vend dhe rajonet fqinje të BE-së.