Instituti i Mikrobiologjisë “Stefan Angellov” pranë Akademisë Bullgare të Shkencave shënoi solemnisht 75 vjetorin e vet. Historia e shquar e këtij institucioni të rëndësishëm për vendin tonë filloi pas përfundimit të Luftës së Dytë Botërore, në vitin 1947, kur në përgjigje të nevojës së atëhershme të shoqërisë për të luftuar sëmundjet infektive, filluan kërkimet e synuara në këtë fushë.Temat e para të cilat i përpunuan mikrobiologët ishin në fushën e mjekësisë dhe të bakteriologjisë veterinare dhe virusologjisë. Shumë shpejt pas kësaj filluan dhe studimet e para të mjedisit të mikrobit në ushqimet tradicionale bullgare, si kosi dhe djathi i bardhë i kripur dhe veçanërisht përfitimet e tyre për shëndetin e njeriut.Sot, mikrobiologët nga Instituti punojnë mbi krijimin e preparateve, të lidhura me ngadalësimin e plakjes së qelizave, për trajtimin e psoriazës dhe formulat që mbështesin imunitetin e njeriut.
Në lidhje me përvjetorin drejtoresha e Institutit profesoresha Penka Petrova shënoi se në fushën e ekologjisë, arritjet janë të lidhura më tepër me zbulimin ellojeve të reja të baktereve dhe majave që mund të shpërbëjnë substanca toksike në ujë dhe të mikroorganizmave të aftë për të zbërthyer mbetjet celuloze gjatë misioneve të gjata në hapësirën kozmike.
Profesoresha Petrova rikujtoi në një intervistë të dhënë për Agjencinë Telegrafike Bullgare se tek ata tanimë është përpunuar prototipi i vaksinës bullgare kundër Covid-19. Projekti është i financuar nga Instituti “Pastor” në Paris dhe është vlerësuar me një notë të lartë për punën e shkencëtarëve tanë.
Në konferencën festive, kushtuar përvjetorit të Institutit të Mikrobiologjisë u përfshinë një sërë shkencëtarësh të rinj me përpunimet e tyre më të reja, të drejtuara ndaj përmirësimit të cilësisë së jetës.
Mes shpresave të reja në shkencë është Kristiana Amirova, doktorante në Laboratorin e Metabolomikës në Departamentin e Teknologjive Biologjike në Akademinë Bullgare të Shkencave. Së shpejti ajo do të mbrojë një disertacion kushtuar kërkimit të ri mbi dy molekula natyrore të nxjerra nga një bimë e rrallë, por shumë e vlefshme në Bullgari:“Kjo bimë është “Lulja e Orfeut” dhe ideja është që të ndikojmë mbi 1000 gjene në trupin e njeriut, dhe ato nga ana tjetër të jenë përgjegjës për mbrojtjen antioksidues të trupit dhe të rregullojnë shumë gjëra gjatë inflamacionit. Në praktikë, kemi për qëllim që përmes këtyre molekulave natyrore të mund të ndikojmë mbi shëndetin e njeriut dhe të mund ta ndihmojmë. Vite të tëra me radhë kimia është një pjesë nga jeta e njerëzve, por ne duam të jemi më miqësorë me natyrën. Kështu, ne shkelim mbi zbulime të bëra nga paraardhësit tanë dhe me ndihmën e metodave moderne aktualisht dëshmojmë efikasitetin e tyre. Tani shikojmë se cili është mekanizmi i veprimit të këtyre bimëve mjekësore.”
Dhe meqenëse “Lulja e Orfeut” është në “Librin e Kuq” të Bullgarisë dhe mbledhja e saj është e ndaluar me ligj, shkencëtarët mikrobiologë kanë gjetur mënyrë ta kultivojnë në kushte laboratorike. “Kjo është puna e shkencëtarit - të kontribuojë dhe të ndihmojë për shëndetin e njeriut - thotë Kristiana Amirova:
“Në Bullgari ka mundësi të shumta, në sajë të financimit evropian, kurse njeriu duhet të bëjë vetëm një hap të vetëm në këtë drejtim. Instituti po përpunon molekula të tilla, me të cilat do të mundim të ndihmojmë gjatë përballimit të pandemive të tilla virusale si Covid-19, por kjo është diçka me të cilën do të duhet të mësohemi të jetojmë. Akoma është shumë herët për të thënë, se do të gjendet një ilaç për të luftuar viruset dhe sëmundjet e tjera infektive”.
Përgatiti në shqip: Nataniela VasilevaFoto: microbio.bas.bg, BGNES, arkiv personal, arkiv
Të huajt përbëjnë 8,6% (15 737) prej të gjithë studentëve në Bullgari. Numri i tyre për dekadën e fundit është dyfishuar. Këtë e tregojnë të dhënat e Qendrës Kombëtare të Informacionit dhe Dokumentacionit për vitin 2024, të publikuara në një..
Në vitin 2025, një numër rekord prej 4000 studentësh nga universitete elitare anembanë botës aplikuan për programin veror të kërkimit të Institutit për Shkenca Kompjuterike, Inteligjencë Artificiale dhe Teknologji – INSAIT pranë Universitetit të..
Pas 55 vitesh, Bullgaria u rikthye triumfalisht në EXPO 2025 në Osaka të Japonisë, dhe pavijoni i saj në ekspozitën botërore gëzon interes të madh. "Interesi i sipërmarrësve japonezë në lidhje me investimet tregon se jemi në rrugën e duhur", tha..
Pas 55 vitesh, Bullgaria u rikthye triumfalisht në EXPO 2025 në Osaka të Japonisë, dhe pavijoni i saj në ekspozitën botërore gëzon interes të madh...
Banica tradicionale bullgare renditet e treta në renditjen prestigjioze të faqes "Taste Atlas" për gatimet më të mira të djathit në botë. Banica..
A është e mundur nga viti 2026, lënda "Virtytet dhe fetë" të futet në programet mësimore dhe të bëhet e detyrueshme – ky është një debat, rreth të cilit..