Muaji i mjaltit për qeverinë ka përfunduar, tha për BNR sociologia nga agjencia “Trend”, Evelina Sllavkova. “Kjo qeveri filloi me qëndrime thuajse të barabarta mbështetjeje dhe mohimi. Për momentin, hendeku midis qëndrimit pozitiv dhe atij negativ është shumë i hapur – 56% negativ dhe 29% pozitiv”, tha sociologia. Një sondazh përfaqësues kombëtar i “Trendit” i porositur nga gazeta “24 Çasa” tregon se mbështetja për partinë në pushtet “Po e vazhdojmë ndryshimin” ka rënë nga 25 në 22.9% në kuadrin e një muaji. Forca e dytë politike është GERB me 21.9 për qind. Vlerësimi negativ për punën e Parlamentit rritet nga 52% në 64%, ndërsa Presidenti humbet mbështetjen e të anketuarve nga 55% në 49%.